Мин өр сылларга Амма улууһун үөрэҕин салалтатыгар оскуола иннинээҕи саастаах оҕолор үөрэхтээһиннэригэр үлэлээн Саха Өрөспүүбүлүкэтин XIV учууталларын уонна педагогическай общественноһын сийиэстэрин дэлэгээтинэн талыллан олус долгуйдум. Бу үрдүк чиэс уонна эппиэтинэс буоларын билэбин.
Сийиэс бары салаалары хабан олус интэриэһинэйдик барда. Өрөспүүбүлүкэбит баһылыга Айсен Сергеевич бэйэтин видеонан туһаайыытыгар дойдуга бэриниилээх буолууну үүнэр көлүөнэҕэ күүскэ киллэриэхтээхпитин тоһоҕолоон бэлиэтээтэ. Сийиэс кэмигэр элбэх киһини интэриэһиргэтэр, долгутар тэрээһиннэр буолан аастылар. Хайа баҕарар учуутал, иитээччи саҥа, сонун методиканы, технологиялары интэриэһиргиир. Онно аналлаах элбэх актовай лекциялар, семинардар, төгүрүк остуоллар, стартегическай сессиялар, быыстапкалар, маастар-кылаастар, автотурдар тэриллибиттэрэ биһигини сэргэхситтэ. Үөрэх министиэристибэтигэр, Үөрэх үлэһиттэрин идэтин үрдэтэр уонна сайыннарар институтка, Дьукуускай куорат уһуйаанарыгар, оскуолаларыгар, орто анал үөрэх тэрилтэлэригэр, бары ведомстволарга дэлэгээт быһыытынан махталбын биллэрэбин.
Бу сийиэстэн элбэҕи билэн, инники үлэбитигэр сыал-сорук туруоран, Концепцияны олоххо киллэрэргэ бары кыахпытын-күүспүтүн ууран бэриниилээхтик үлэлиэхпит диэн эрэнэбит.
Эмма Валерьевна ДАВЫДОВА, Амма
Маннык киэҥ хабааннаах учууталлар съезтэригэр кыттыы улахан эппиэтинэстээх уонна учуутал улэтэ урдук таhымнааҕын көрдөрөр. Съезд үлэтэ эргиччи үөрэх бары салаатын хабан үлэлээтэ. Олус улахан болҕомтону «Россия – моя история» түмэлин арыллыыта уонна үлэтэ делегаттарга сонун буолла. Манна көстүбүт презентациялар биҺиги Сахабыт республиката саҥа са5ахтары арыйарын тоҺулуура көҺүннэ, талааннаах учууталлар баалларын бигэргэттэ. Саамай сүрүн дукумуон — «Саха сирин уорэҕин Концепция .
«Открытое образование – пространство возможностей» бигэргитэллэригэр эбии этиилэри киллэрэн секцияларынан тыҥааҺыннаах үлэлэр аастылар уонна уопсай мунньахха протокол быҺаарыыта ылылынна. Манна хас биирдии секция бэйэтин этиилэрин көмүскээтилэр. ТуҺалаах этиилэр олоххо киирэллэрэ аҺа5ас үөрэ5ирии уонна иитии эйгэтэ үөрэнээччилэр тэҥ олоххо сайдыы барар, Аан дойду таҺымыгар сөптөөх олох суолун булан олороллоругар тирэхтиэ. Манна да5атан эттэххэ, элбэх этиилэр «Тыа сирин учуутала» диэҥҥэ киирдилэр. Ону мин олус сэргии иҺиттим, тоҕо диэтэххэ мин тыа учуутала буолабын уонна кэлиҥҥи кэмҥэ эдэр ыччат тыа сиригэр олохсуйуон баҕарбат буолан эрэрин бэлиэтии көрөбүн. Тыа оскуолатын учууталларыгар эдэр кэскиллээх үлэҺиттэр кэлэллэрэ тыын бопуруос буолар.
Бу маннык кытаанах кэмҥэ XIV съезд булан ааспыта улахан өйөбүл буолар. Учууталлар бары сэргэхсийэн, элбэххэ үөрэнэн, билэн-корон, элбэх этиини өйөөн, дьиэлэригэр үөрэх ис дьиҥ кыаҕын илдьэ бардахтара дии саныыбын. Махталбын тиэрдэбин оскуолам коллективыгар, салалтатыгар миигин маннык улахан тэрээҺиннээх съезкэ делегатынан ыыппыттарыгар.
Анна Павловна ТОМСКАЯ,
Өлүөхүмэ улууhун А.Я.Филиппов аатынан орто оскуола алын кылааhын учуутала