Муус устар 13 күнүгэр өрөспүүбүлүкэҕэ физкультурнай хамсааһын төрүттэммитэ 100 сылыгар уонна «Чэгиэн буол» бүтүн Россиятааҕы акция чэрчитинэн Сылаҥ нэһилиэгэр уһуйаан саастаах оҕолорго «Дьулус» хайыһар күрэҕин «Сулусчаан» уһуйаан тэрийэн ыытта. Бу күрэххэ Чурапчы улууһун нэһилиэктэрин уһуйааннара кэлэн кыттыыны ыллылар.
Күрэхтэһии 2 түһүмэҕинэн ыытылынна. Бастакы түһүмэх — биирдиилээн сүүрүү, иккис түһүмэх — дьиэ кэргэнинэн сүүрүү.
Кыргыттарга 00:44 сөкүүндэнэн биэтэккэ кэлэн I миэстэни Арыылаах уһуйааныттан Барашкова Мелисса, II миэстэни — Сылаҥтан Пудова Долгуна, III миэстэни – Улахан Күөлтэн Трофимова Милана ылллылар.
Ону таһынан «Кыайыыга дьулуурун иһин» анал ааттар туттарылыннылар: Потапова Сардаанаҕа (Кытаанах), Терентьева Светаҕа (Арылаах), Протодьяконова Намыына-Куоҕа (Сылаҥ).
Уолаттарга 00:51 сөкүүндэнэн кэлэн I миэстэни Сылаҥтан «Сулусчаан» уһуйаантан Нестерев Арсен, II миэстэни — Сылаҥтан Дьячковский Коля, III миэстэни — Сылаҥтан Тарасов Тускул ыллылар.
«Кыайыыга дьулуурун иһин» анал ааттары ыллылар Чыаппараттан Попов Петя уонна Тоскин Түмээ.
Салҕыы иккис түһүмэххэ биэтэккэ 03:25 бириэмэнэн кэлбит Кытаанахтан Потаповтар дьиэ кэргэннэрэ I миэстэни, II миэстэни — Арылаахтан Барашковтар дьиэ кэргэннэрэ, III миэстэни — Сылаҥтан Дьячковскайдар дьиэ кэргэннэрэ ыллылар, «Кыайыыга дьулуурдарын иһин» анал аат иҥэрилиннэ Сылаҥтан Протодьяконовтар дьиэ кэргэннэригэр.
Кытаанах нэһилиэгин баһылыга Егор Николаевич хайыһар Федерациятын аатыттан кэлэн күрэхпитин өрө көтөҕүллүүлээхтик ыытта.
Хас биирдии түһүмэх күүрүүлээхтик ааста — төрөппүттэр, иитээччилэр, көрөөччүлэр, ыалдьааччылар бары долгуйуу бөҕө. Сорох кыттааччыларга ыалдьааччылара халыҥ хамаанда буолан бииргэ айаннаан кэлбиттэрэ биһигини, тэрийээччилэри, үөртэ .
Улууска уһуйаан саастаах оҕолорго бу күрэх олус сөптөөхтүк ыытылынна диэн кэлбит ыалдьыттарбыт, кыттааччыларбыт, төрөппүттэрбит бэлиэтээтилэр. Билиҥҥи оҕоҕо эт-хаан сайдара, бөҕөргүүрэ олус наадалааҕын эттилэр. Ону төрөппүттэр өйдүүллэрэ-өйүүллэрэ биһигини олус үөрдэр. Барҕа махталбытын тиэрдиэхпитин баҕарабыт Оҕо доруобуйата сайдарын туһугар күүс-көмө буолбут Сылаҥмыт нэһилиэгин быһылыгар Егор Иннокентьевичка, Сылаҥнааҕы МПЧ үлэһиттэригэр, Чурапчы улууһун спорка управлениетын начальнигар Дьулус Васильевичка.
Нарыйа Алексеевна МАКАРОВА,
Сылаҥтан «Сулусчаан» уһуйаан методиһа