От ыйын 1-3 күнүгэр ыраах Күөх Ньурба улууһун Ньурба куоратыгарөрөспүүбүлүкэбит үөрэхтээһинин систиэмэтин биир улахан суолталаах тэрээһинигэр,«Тыа оскуолата уонна үөрэҕирии маарката – 2022»өрөспүүбүлүкэтээҕи XVIII педагогическай дьаарбаҥкаҕа кыттан, кыайыы кынаттанан астынан кэлбиппит.

Ньурба сирэ – Сахабыт сирин биир ыраах сытар улуустарыттан биирдэстэрэ. Ол да буоллар сири-дойдуну көрөн, уһун айан биллибэккэ хаалбыта. Тыа оскуолатын учууталларын опытын тарҕатар,идэлэрин үрдэтэр, саҥаны сайыннарар тэрээин киэҥ-нэлэмэн Кыталыктаах алааска тэриллэн ыытылынна.

Балай да ыраах сиргэоскуолабыт салайааччыта, С.А. Новгородов аатынан Чурапчы орто оскуолатын дириэктэрэ, Надежда Васильевна Уарова түмэн,  тэрийэн, массыына анаан, тэрээһиннээхтик оҥостон тиийэн, дириэктэри научнай-экспериментальнай үлэҕэ солбуйааччы Любовь Дмитриевна Пермякова салайыытынан бырайыактарбытын ситиһиилээхтик көмүскээтибит:”Сохранение культурного  наследия”номинация уонна А.В. Бугаева аатынан “Ийэ тыл”номинация кыайыылаахтарынан ааттанныбыт.

Икки күн устата маастар кылаастар,санаа атастаһар былаһааккалар,идэ таһымын үрдэтэр араас хайысхалаах куурустар, куонкурустар, уустар түһүлгэлэрэ уо.д.а ыытылыннылар.

Айаннаан тиийээппитин кытта “чурапчылар, Антоновка “Биһик” уһуйааныгар түһэҕит, кэтэһэ олороллор” диэн буолла, онтон киэһэ 6ч Кыталыктаахха аһылыкка ыҥырдылар. Ити курдук саҥа таас уһуйаан дьиэтигэр хонон, сарыардааҥҥы бэлэм аска, Антоновка агро оскуолатын коллектива бэлэмнээбит тотоойу, минньигэс аһын аһаан ытыс үрдүгэр сырыттыбыт. Түгэнинэн туһанан,Н.Н. Чусовской аатынан Антоновка орто агро-оскуолатын коллективыгар, (директор — Федоров Данил Александрович), “Биһик” уһуйаан коллективыгар(сэбиэдиссэй — Афанасьева Валентина Григорьевна) дириҥ махталбытын тиэрдэбит.

Маннык тэрээһин ыытыллара, биһиэхэ, педагогтарга, үүнэрбитигэр-сайдарбытыгар олус туһалаах. Биир өттүнэн түмсүүлээх буолабыт, элбэх интэриэһинэй үлэлээх дьону кытта билсэбит. Тэрийээччилэргэ, чуолаан, коллективыгар, Үөрэх министерствотыгар, Ньурба улууһун үөрэҕин управлениетыгар махтанабыт. Ордук чуолаан, С.Н. Донской-II аатынан үнүстүүт дириэктэрин бастакы солбуйааччы, педдьаарбаҥка эксперэ Бугаев Николай Иннокетьевич сүбэтэ-амата, ыйан-кэрдэн биэриитэ саҥа суол тэлэргэ сирдиир, инникигэ кынаттыыр.

Бары кыттааччыга бу тэрээһин туһалаах буолара, саҥа ситиһиилэргэ сирдиирэ саарбаҕа суох!

                                                          Екатерина ИВАНОВА, Сардана ПЛАТОНОВА,
саха тылын, литэрэтиирэтин учууталлара, С.А. Новгородов аатынан
Чурапчы орто оскуолата, Чурапчы улууһа.

By admin

Хоруйдаа

Эн e-mail-ыҥ көрдөрүллүө суоҕа.